انا متجوزه من ١٨سنه ،كان عمري وقتها ٢٠سنه
روحنا وكل تفكيري ان خلاص مفيش تاني لان مبقاش معانا وفوضت امري لله وبقيت كل صلاتى ادعى لولادى بالرحمه وزوجى وان ربنا يسعده لحد ما جه يوم قولت لزوجى يتجوز والشقه اللى فوق نبنيها براحه كده واتجوز فيها ، رفض وزعل منى وقالى انتى عندى بالدنيا وربنا يقدرنا وهعملك العمليه تانى بس اصبري عليا وادعى ربنا يرزقنا فرحت من جوايا لانى فكره انه بتجوز بنت غيري ممېته
المهم بقا عدت السنه دى وكنت قاعده مع حماتي بمشط لحماتي شعرها وقاعدين نهزر وبقولها ياماما انا حلمت انى شايله ٣ قراميط سمك بس شكلهم حلو اوى اوى مش زي اللى بنشوفهم وعمالين نتخانق عليهم انا وانتى ومحمد وفالاخر هر بو من ايدي ودخلو ف بطنى وفضلو يلفو ف بطنى كده وانا اضحك متقومى يا ماما تشتريلنا يمكن نفسى فيه اصلى ببطن شويه بحب الاكل
بقولها الله يخليكى. يا ماما عاوزه ايه يعني
لاقيتها قامت لبست ونزلت جابت سمك عادي وجابت اختبار حمل بقولها ايه دا بتقولى جربيه. فضلت اضحك وركنته بتاع اسبوع كده ولاقيت نفسي عاوزه اجرب من باب الامل والفضول وفجأ لاقيت ف الاختبار انى حامل!!!
خرجت جري من الحمام اعيط شويه واضحك شويه وقعدت ف الارض اسجد لربنا وابكي وحماتي وجوزي يعيطو على عياطى وحماتي من غير ما انطق تقول لجوزي حامل
جوزي فضل يضحك عليا ويقولى مش زعلتي على ٢ راحو ربنا بيقولك خدي بقا
ويقول للدكتوره مضيها معلش هى اللى هتربي لوحدها والدكتوره تضحك
عندهم ٤ سنين دلوقتي
عوض ربنا يفوق كل تخيلاتك ، عوض ربنا ينسيك ما قد فقدت
فاللهم العوض الجميل لكل من فقد.. 🤍♥️
بعد كل ابتلاء ربنا هيكرمنا💜
